Skuus

Ek het julle vreeslik in die steek gelaat, was veronderstel om goud te vind, maar het besig geraak daar in Mozambique met ander dinge.  Groter dinge as goud, want goud is nie alles nie.  Vandag terug in SA, met ‘n seer bors waar hulle my hart weer probeer aan die gang kry het en bronchitis sodat ek amper nie kan praat nie.  Wel ek kon in elk geval niks sê wat ‘n verskil sou maak nie.  Die dokters, susters en pasiente praat net Portugees, ek kon nie eers uitfigure in waste dorp ek is nie.

Grim moes die slegte pad terug aandurf om sy diabetes medikasie te gaan kry, so ek was alleen.  Die onbeskryflike paniek-gevoel het my seer bors met ‘n beklemming gevul wat my laat hiper-ventileer het, meer as een keer.  Elke keer as ek probeer vra het waar ek is, was die antwoord “Eu não falo inglês” en dan het die paniek my weer omsingel.  Die gedagtes wat deur my kop gegaan het, sê nou hy kry nie weer die hospitaaltjie nie, sê nou hy het in ‘n diabetesie koma gegaan omdat hy vir 24 uur geen medikasie kon neem nie, sê nou hy het besluit om my daar te los.  Met geen selfoon by my nie, en die enigste wit gesig vir myle, kon ek nie anders as om op die warm bed te lê en te bid dat Grim sal terugkom nie.  Ek het darem uiteindelik my dogter in Suid-Afrika kon bel en sy het gesê dat hy op pad is.

Die 8 ure gister op pad terug was amper te veel, maar ek was so bly om my eie huis te sien, en my honed, ek het nie eers omgegee dat hulle al ses op my seer lyf spring nie.  Vandag was ek dokter toe en sy het gesê did net bronchitis, so ek sal weer beter voel, hopenlik gou.  Ek wil nie nou hier praat oor wat gebeur het nie, wil net sê skuus ek het die goud gemis.

9 thoughts on “Skuus

  1. Ons is net bly jy is terug, alles in een stuk. Daar was in elk geval toe ook geen goud nie (Kameel se blog van vandag) en almal kuier so lekker by die opstal dat hulle nie eens omgee nie. Word gou beter. 😊

    Like

Leave a Reply to HesterLeyNel Cancel reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s