Bersie in die somer

Wtf gaan aan met die weer?  Ek sit hier en bibber met ‘n kombers om my skouers, omdat ek weer vergeet het om ‘n baadjie saam te bring werk toe.  Dit voel soos winter hier in Gauteng.  Eish.

En waddefok soek ek in elk geval half sewe op ‘n Vrydag nog by die werk?  Toe maar ek weet ook nie.  Die rekenaar se tolletjie draai en draai en dit lyk nie eintlik of iets vreeslik aan die gebeur is nie.

Op ‘n vroliker noot, date 2 met G gebeur vannaand, so jippee ek kan nie wag om hom te sien nie.  Hy werk mos 318km weg van hier die hele week.  Nou moet ek myself net soos ‘n soet dogtertjie prober gedra, met vlinders in die maag en al.  Did mos veronderstel om die man te wees wat die jagwerk doen.   Ek dink ek is ‘n undercover man.  Hy het dit mos nou heel duidelik gestel dat soen nog nie gaan gebeur nie.  Eish weer

Soen – o daai lieflike gevoel wat mens kry waar jou tone omkrul, jou oë vanself toegaan en jy weggevoer word na plekke waar voëltjies sing, sagte musiek speel en tyd stilstaan.  Nou ek weet nie wat ander mense doen om te “oefen” vir die eerste keer nie, maar my plan was die bad se krane.  Klim terug op jou stoel, die bad se krane.  Ek het mos op ‘n myndorp grootgeword, so die baddens het nog daai ou tipe (gewone) krane ingehad, nie vandag se fênsie mixer gedoentes nie.  So dan het ek my oë toegemaak en my lippe so om die kraan gevou en my tong net so half-en-half in die spuit-gedeelte ingesteek, dan my lippe soos ‘n vis-bek getuit en beweeg.

Ek onthou nog my eerste mens-soen.  Mickey was die kêrel se naam en hy was ‘n jaar ouer as ek, ‘n hunk wat my knieë lam gemaak het.  Ek was in standerd 6, gevlegselde hare en groot oë en Mickey het my saamgevra na ‘n skoolsokkie toe.  Op ‘n stadium het ons uitgestap om te gaan koeldrank koop en hy trek my toe so tussen 2 mure in.  Sy mond kom nader na myne en ek kan die afwagting in my kop voel bruis.  Dit voel asof alles in slow-motion gebeur.  My oë gaan toe en ek wag vir die eerste French-kiss van my lewe.  Sy lippe raak aan myne……. En toe trek hy weg, vat my hand en stap nonchalant verder tot by die snoepie.  Hy het duidelik nie goed genoeg op die badkrane geoefen nie.

Advertisements

8 thoughts on “Bersie in die somer

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s